ATENCIÓN!! NOVAS INDICACIÓNS DOS XACIOS

Bo día familias!
 Estamos aquí de novo para seguir as indicacións dos Xacios para combatir o coronavirus. A primeira indicación foron as receitas, seguro que para estar ben fortes e sanos.  Esta parece que é para estar ben entretidos e fomentar a nosa creatividade.
Fostes moitos os que nos mandastes a mensaxe desencriptada, mirade que é difícil o chinés pero vós sodes uns campións que rapidamente os descifrades. A mensaxe di o seguinte:

" Para o confinamento 

ben levar

un xogo tes que 

FABRICAR"

Pois ben, as cabeciñas a pensar e MANS A OBRA. Debedes crear un xogo, pero estaredes pensando como ides facer... Deixámosvos unhas ideas e despois explicamos os pasos que tedes que seguir. Mirade: 

Imaxe de pinterest

Imaxe de Pinterest

Imaxe de Pinterest

Imaxe de Pinterest

Imaxe de Pinterest

Estes son algúns exemplos, pero vós sodes moi creativos e seguro que inventades algún que sorprenda aos Xacios e tamén as profes. 

Para facer esta tarefa debedes seguir uns pasos que son os seguintes: 

1º. Pensar, este é o máis importante. Relaxádevos e pensade que xogo ides crear... deixade a imaxinación voar. 

2º . Unha vez decidido tedes que elaborar un INVENTARIO, nel deben aparecer os materiais que necesitades tendo en conta as cantidades de cada material e as medidas. Tomar medidas coa regla, con metro ou empregando palmos. Os materiais deben ser de refugallo ou materiais que atopedes na casa.

3º Comezamos o proceso de elaboración, aquí demostraredes o artistas que sodes, neste paso tedes que ter en conta as cores que queredes empregar, as formas, etc para que quede o máis vistoso posible. 

4º Crear as normas de xogo ( unha listaxe con todas as normas para xogar). 

5º Último paso, mandarnos ao correo o inventario, as normas e un video ou foto do xogo. Animámosvos a que fagades video explicando como se xoga.

             XA ESTAMOS IMPACIENTES POR VER AS VOSAS CREACIÓNS !!!

- Recordatorios:

• Na páxina web do cole atoparedes actividades das especialidades de música, inglés e educación física. Así como as indicacións para facerlles chegar os traballos se fose o caso. 
• As tarefas que vos propoñemos as titoras no blog debedes mandarnos foto ao correo a menos que especifiquemos o contrario. 

MOITOS BICOS E APERTAS!!